Rusiya ordusu ballistik raketlə Krovoy Roqa zərbə endirib(ŞƏKİL)

Sergey Lısakın sözlərinə görə, zərbə nəticəsində 14 nəfər həlak olub. Lısakın bildirdiyinə əsasən, ölənlər arasında üç uşaq da var. O əlavə edib ki, yaralıların sayı daim artır.

Aleksandr Vilkulun sözlərinə görə, zərbə yaşayış məhəlləsinin mərkəzinə endirilib. Onun açıqlamasına əsasən, 50-dən çox insan yaralanıb.

Krovoy Roqa endirilmiş zərbəni Ukrayna prezidenti Volodimir Zelenski də şərh edib. “Hər gün Rusiya zərbələri. Hər gün həlak olan insanlar. Bunun davam etməsinin yalnız bir səbəbi var: Rusiya atəşi dayandırmaq istəmir və biz bunu görürük. Bunu bütün dünya görür. Hər bir raket, hər bir zərbə dronu göstərir ki, Rusiya yalnız müharibə istəyir”, – deyə Zelenski yazıb. Onun sözlərinə görə, zərbə yaşayış evlərinin yerləşdiyi əraziyə endirilib.

Zelenskinin dəqiqləşdirməsinə görə, 14 nəfər həlak olub, onların arasında altı uşaq da var. Ən azı beş evə ziyan dəyib.