Türkiyənin İstanbul şəhər bələdiyyəsində baş verən korrupsiya işi çərçivəsində həbs

Türkiyənin İstanbul şəhər bələdiyyəsində baş verən korrupsiya işi çərçivəsində həbs edilənlərdən biri olan bələdiyyə sədri Əkrəm İmamoğlu da daxil olmaqla, bəzi şəxslərin azadlığa buraxılması ilə bağlı vəkillərin verdiyi vəsatət məhkəmə tərəfindən rədd edilib.

Bu barədə yerli KİV məlumat yayıb.

Xatırladaq ki, ötən həftə vəkillər İmamoğlu və digər şübhəlilərin həbsinə qarşı etiraz edərək məhkəməyə müraciət etmişdilər. Lakin həmin müraciət araşdırıldıqdan sonra təmin olunmayıb.

Qeyd edək ki, mart ayında İstanbul Baş Prokurorluğu tərəfindən Əkrəm İmamoğlu da daxil olmaqla 100 nəfərə yaxın şəxs barəsində “cinayətkar dəstənin rəhbəri və ya üzvü olmaq”, “mənimsəmə”, “rüşvət alma”, “pul tələb etmə”, “dələduzluq” və digər oxşar maddələrlə istintaq başladılmışdı. İmamoğlu bu çərçivədə korrupsiya ittihamı ilə həbs edilib.